Wednesday, June 14, 2006

مكتب مكافحة المدونات

على وزن مكتب مكافحة المخدرات
منذ قليل كنت على مدونة جار القمر وكان هناك موضوع عن مكافحة التدوين فذكرني ذلك بمباحث الإنترنت ومن يدخلون منتديات الحوار لتخريب الحوار وتحويله لخوار.
وليس هذا فحسب ولكني احاول دخول مدونة حزب العواطلية فلم اتمكن من ذلك رغم ان مدونات اخرى تعمل مما يعني ان العيب ليس في الاتصال بالنت ولكن في المدونة نفسها.
وهناك عبارة غريبة مكتوبة تظهر عند محاولة فتح الصفحة hacking done, el tahzeer elawel
فهل حدث تخريب متعمد للمدونة ؟؟
وإذا كان ذلك كذلك فماذا نحن فاعلون ؟؟
هل نهتف مثلا بحياة الريس ومن حوله حتى ننال الرضا السامي !!!!
يسقط التدوين
يسقط
يسقط
يسقط
بالثلاثة اهو
كويس كده ؟؟
حاجة تسد النفس بصراحة
ماذا يقول المدونون اكثر مما يُكتب في الصحف ويُقال في برامج التلفاز ؟؟
لاشيئ
هل مايُكتب في المدونات - رغم انه أقل بكثير مما يُكتب او يُقال في اي مكان - يُشكل خطرا على الأمن العام أو يكدر الصفو العام
هل النظام هش لهذه الدرجة ويخشى من التدوين والمدونين الذين يفشون خلقهم على رأي اخواننا الشوام ؟؟؟
شر البلية مايُضحك

7 comments:

sherif gharib said...

hi bella
انت مستغرنة لية ما دة حال البلد فى كل حاجة محدش لة حق حتى يقول عن النار الى جواة
خلى بالك على نفسك اليومين الجايين
انت متراقبة
i m kidding
تحياتى

Bella said...

مرحب شريف
انا مش مستغربة ولا حاجة
هو تقدر تقول استنكار مش استغراب
او يظهر الواحد ساعات بيصدق اننا في ازهى عصور الديمقراطية ههههههههههه

Me2nour said...

معلش إسمحيلي أعترض
ليس بإمكان أحد أن يعطل مدونة إلا لو إستطاع تعطيل موقع جوجل نفسه
مش مستحيل لكن مش وارد
مدونات بلوجر بيحصل فيها مشاكل أحيانا عند الحفظ... بتحصل معايا كتير
و مسألة الهاك دي ممكن المراد بيها بعض الإضافات اللي بنضيفها على البلوج
يعني أي كود بيضاف للمدونة و ليه وظيفة زي كود إظهار البوستات الأخيرة مثلا
طبعا ده غير أن مدونة حزب العواطليه تعمل بكفائة زي ما أنا لسه شايفاها دلوقتي
المسألة مش بالبساطة دي و طبعا مش أي كلمة نصدقها

Bella said...

مرحب Me2

من حقك تعترضي براحتك

ولكن قبل التعليق على لهجة التشكيك التي تتحدثي بها يمكنك مراجعة الموضوع التالي لتعرفي اني لم اخترع الموضوع وكان هناك بالفعل محاولة لتخريب المدونة وليس مجرد عطل وخلاص

http://3wtlia.blogspot.com/2006/06/blog-post_16.html

ومرحبا بك وباعتراضاتك :)

shady said...

بيلا قريب حيعملوا مكتب للمدونين او يمكن والله يكون اتعمل فعلاً عادى يعنى
يلا حصل خير بس احنا ولا بيهمنا ياباشا
هههههههه

Bella said...

مرحب شادي

هو ن ناحية اتعمل فأكيد اتعمل

خصوصا ان عدد كبير من العاملين في الاعلام ليس لهم شغل هذه الايام الا الكتابة عن المدونين وتحليل دوافعهم للتدوين

وكأن الحكاية ناقصاهم

littilemo said...

بصى
هيه ممكن تكون محاوله من واحد هاك اهبل
عادى يعنى وممكن تكون عمليه هاك منظمه

احمى الجهاز اللى بتقعدى عليه وغيرى كل الباسوردات